خلطة لتنعيم الشعر

هاي كيف الحال جايبة لكم حاجة ان شاالله تفيدكم
خلطة لتنعيم الشعر
طيب اول شيء المكونات

1- موزه مستويه

2- زيت لوز للشعر

3- ملعقتين عسل

4- ملعقتين بن

5- زيت زيتون

6- زيت ذره


احضري الخلاط و قطعي الموزه

ثم ضعي باقي المكونات على الموزه

و اخلطيهم حتى يصبح شكل الخليط سميك و يشبه العجين

و بعدها افرغي المحتويات في صحن و استخدميه

طيب انتهينا من الطريقة

و ترى انا ما سويتها في الخلاط

لأ الصراحة سويتها في مكينة السلطة ههههه

عشان ما كان فيا اجيب الخلاط و....

المهم انا راح اعطيكم بعض النصائح

اذا كان شعرك يميل الى الاشقر مثلي <<--- بالله اسكتي

فلون شعرك راح يطلع كوووول

بس ما عليكي اللا تضيفي ملعقه كركم مع الخليط

بس ترى انا ما وضعت لأنه ماعندنا بالبيت

و مو مهم يعني ما يحتاج احطه لأنه مو من المكونات الأساسية

اسمعي غلاتووو

ترى ممكن تضعي زيوت ثانية مع الخلطة

يعني على حسب ما يحتاجه شعرك

و ممكن تغيري نوع زيت اللوز

بأي نوع من انواع الزيوت المفيدة

و انتي ضعي مقادير الزيوت على حسب ما تبغي

زي انا وضعت من كل زيت 5 ملاعق

لأنه شعري طويل و يحتاج تغذية

و طبعاً طريقة وضع الخليط

تضعينه كأنك بتضعي أي زيت او حنه او...

يعني تضعيه باطراف اصابعك الين ما توصلي للجذور

و تفضلو فوائدها و من جد كل كلمة في الفوائد صحيحة

و جربيها عشان تشوفي و تحكمي بنفسك

الفائده ::

1- القضاء على التقصيف بشكل ملحوظ

2- ينعم الشعر بشكل خيالي

3- يعطي للشعر بريق و لمعه ساحرة

4- حيويه الشعر و عدم بهتانه

5- يمنع تساقط الشعر

6- القضاء على القشره

و من جد راح تتفاجئون بالنتيجة الساحرة

بس ابغا اقلكم شيء الله يعينكم على ريحة الموز

يعني راح تكون ريحة الموز صاقعه و خاصة مع زيوت خخخ...

.+.

ابغا اقلكم موقف طيب

دحين لمن حطيت الخلطة كل ما امشي من جنب اختي الكبيرة

تسد خشمها و لمن ادخل عند اخوي الصغير احصله ماسك قارورة العطر

و يجلس يبخ من عطره في غرفته (( عشان ريحتي )) يعني شوفوا الموقف

ترى ممكن تقرفوا شوي

لمن تجو تغسلوا شعركم لأنه حبيبات الموز

راح تكون موجوده في الخلطة و بكثرة

يلا طولت عليكم بس بليز ادعولي بالخير

و طمنوني كيف النتيجة بعد تجربتكم

.+.

ملاحظة اكثر من هامه :

تضعين الخلطة مرتين في الأسبوع

و لمده اسبوعين

drawGradient()